عم تعملي بحث نفسي بشي جامعه أو مجرد طرح خطر ببالك !
بالنسبه إلي الإجابه عهالأسئله سهل لأني ببساطه بسأل ربي عن أي شي بيحيرني ماباخد أي قرار لوحدي دائماً بطلب من الله سبحانه يعطيني دليل ينور فيه حيرتي وبنتظر وحتى لو باللحظه ذاتها ربي إخترلي شي ماكنت متوقعتو او كنت مستبعدتو بحمد ربي عليه لأن رب العالمين أعلم ومافي شي عندو بيحصل عن عبث أي شي بيصير مقدر بهالحياه وإلومسبب وإلو غايه ....
لهيك بحياتي مازعلت عشي لأن الحياه بالنهاي فانيه ....
بالنسبه لحياتي أناإخترتا وأحيان بحس إني إخترت طريق صعب بس بإرادتي الكامله إخترتو مابلوم رب العالمين ولابلوم حظي بس ممكن لوم إختياري ....
حتى وصلت لمرحله حاسه فيها إن ربي عطاني أكتر من الكنت إحلم فيه وعاجزه عن شكر رب العالمين بس هاد أحياناً بحسسني باليأس والرغبه بالموت لأني شبعت من الحياه...
كلامي متناقض بعرف يمكن لأن أسئلتك دنيويه بحته و التفكير بالله وملكوتو بيصغر الدنيا بعيوني...
أنا بعمل جهدي دائماً إني كون صادقه مع نفسي ومع الآخرين لدرجه بتتعب نفسيتي لأن مابلاقي مبادله من البشر وهاد بيحزني وبيصدمني كتير .......
بعاني من فراغ كبير بعملي مع إنو نوع عملي بيخليني إتعامل يومياً مع أعداد كبيره من البشر ومن كل الطبقات والأعمار بس بالنادر لشوف حدا يفهمني ويبادلني صدقي أنا ماعم قول إني قديسه معاذ الله بس هيك عشت وهيك تربيت من بيت أهلي ماإتقبل الكذب خصوصاً بيني وبين نفسي ........
آسفه عالإطاله بس أسئلتك لو نكتب فيها جرايد مابنخلص....
إحصائيات: مرسل عن طريق Graam — مايو 8th, 2006, 5:46 pm
]]>