أعلم أهل الأرض الأحياء فى القرآن

[عمرو أحمد]

السلام عليكم :
أرجو الإطلاع على موقع العالم القرآنى الجديد / تامر زكريا شتيوى :
http://www.alla1.info
فهو يرد على مزاعم أحاديث السنة .. ويثبت أن القرآن كامل [ وليس ناقصاً والسنة تكمله ] .. وأن القرآن مبين [ وليس مبهم والسنة تفسره ] .. وهذا بعض مما ورد بالموقع :
(1) أن الصلاة ليست خمس فروض لأن الله أمر بالتسبيح له الفجر والمغرب فقط .. إضافة لصلاة الليل التى تاب الله على المؤمنين فأمر بقراءة ما تيسر من القرآن .
(2) أن صلاة الجمعة باطلة لأنها قائمة على المقياس الإسبوعى الباطل الذى يعنى أن خلق الكون تم فى سبعة أيام .. فى حين أن الله بين فى كتابه أن الكون خلق فى ستة أيام وما مسه من لغوب .
(3) أن خطبة الجمعة والعيدين باطلة لأن الله أمر بذكره دون الجهر من القول بالغدو والأصال فقط .
(4) أن المسجد الحرام بالأرض المباركة وليس الحجاز لأن الله نجا النبى إبراهيم ولوطا إلى الأرض التى بارك فيها للعالمين .. ولم يذكر أنه ترك هذه الأرض للحجاز .
(5) أن الله لم يفرض الوقوف بعرفة ولا رمى الجمرات ولا الذبح بمنى ولا المبيت بمذدلفة فى القرآن .. ولكن أمر بالذبح عند الكعبة والصلاة عند البيت وهذا هو الطواف .
(6) أن قطع يد السارق يكون من عند نهاية الكف لأن الله ذكر قطع اليدين بينما لم يأمر بقطع الجناح .. وهو اللفظ المستخدم فى القرآن للتعبير عن الذراع .
(7) أنه لا شفاعة لرسول الله لأن الله قال له أنه لن ينقذ من فى النار .
(8) أن الله لم يذكر أن هناك معراج للسماء بالرسول ولكن ذكر الإسراء فقط .. فالرسول رأى جبريل نزلة أخرى .. وليس معراج آخر .
(9) أن طاعة الرسول لا تعنى الإيمان بالأحاديث المنسوبة كذباً لرسول الله لتضيف شرعاً آخراً غير شرع الله .. ولكن طاعة الرسول تعنى الإيمان بما أنزل إليه من القرآن وما يحكم به بين الناس بما آراه الله .
(10) أنه لا خروج من النار لأن الله قال خالدين فيها أبداً .. وبين أنه لا تخفيف للعذاب على الكفار .. وبين الله أن الخروج من النار بعد البقاء فيها أياماً معدودات هو أمانى الذين كفروا من أهل الكتاب ولا يمكن أن يحدث .. ولقد قال أهل السنة مثل قولهم رغم نزول القرآن .
وهناك حقائق أخرى كثيرة فى كل مقال له .. وهو موقع جيد وجدير بالمشاهدة .. والموقع هو :
http://www.alla1.info

[ahmed2010]

بسم الله والصلاة والسلام على خير خلق الله أما بعد....
أن اهاتكلم بقه باللهجه العاديه عشان الناس تفهمنى بلاش بقه العربية الفصحى والكلام اللى لا بيودى ولا يجيب أولا الاخ اللى حط الموضوع ربما يكون على صله بصاحب الموقع وغالبا الناس ديه عايزة تشتهر وتنتشر حتى لو على حساب الدين لكن ماعلينا انا بقه يا جماعه خلاص طفح بيا الكيل من الجماعه دول وشوفتلهم مناظرات وكلام وحوارات وفى الاخر الحكم عليهم دول ناس مضله وفكر جاى من بره عايز يودينا على حهنم بس تعالو بقه نتكلم على الموقع اللذيذ اللى حطه الاخ اللذيذ ده أولا الاخ اللى عامل الموقع اللى بيتكلم عليه ده الراجل اللى فيه عامل أراء ومقالات وحاطط مواضيع مختلفه تماما عن اراء وفكر القرانيين فى الموقع هنا بس اهو الجماعه القرانيين عمالين يصقفوا مبسوطين المهم حد يهدم السنه مين بقه صح القرانيين اللى فى عشاق الله ولا القرانيين اللى فى الموقع التانى مش قضيه دلوقتى يعنى انا واخويا على ابن عمى وانا وابن عمى على الغريب فطبعا يا أساتذه الراجل ده بيقول كلام اول مره أسمعه او أقراه واراءه غير الجماعه اللى هنا خالص كل واحد بشكل وطبعا ده امر طبيعي فى المذهب ده لانى من مبادئ الجماعه دول انهم بيفسروا القران باجتهادات شخصيه فتلاقى واحد يقولك ده السارق بنقطع منه ايد واحده يطلعلك واحد تانى يقولك لا ده السارق بنقطع الايدين طب يا حج انت وهو القطع بيكون منين يعنى من الكف ولا الصباع فهمونا بقه ماحنا جهله وانتو علماء الله فى الارض يقولك واحد فيهم لا القطع يكون من الكف بعد شويه يطلعلك واحد تانى يقولك لا ده القطع من الدراع وكل واحد فيهم يجيب ادله بس ايه بقى الادله يجبلك ايات نازله فى أنبياء تانيه زى يوسف عليه السلام ويمشوا على طريقها وموال ما بعده موال والدين ضاع وطبعا مستحيل انى كل من هب ودب نقعد نرد عليه لو مشينا على الحال ده يبقى كل حكم فى السنه المطهرة هايطلعهله خمسميه الف رأى وتفسير وده معناه لازم نرد على خمسميه الف واحد وده مستحيل طبعا ومافيش شريعه فى الدنبا صحيحه زى ماهما بيقولوا فيها تأليفات وتفسيرات بالشكل ده كل واحد يعمل موقع ويألف وياترى ايه الصح الله اعلم يعنى واحد سرق نعمل فيه ايه نمشي على مذهب أنيس صالح ولا مذهب الحفار ولا مذهب الراجل الجديد ده مش عارف بس عندى حل لو واحد سرق أحنا أحسن حل نموته بالرصاص وبعدها نقطع كف ايده وبعدها نقطه دراعه ونعلقه على حربايه عشان نضمن اننا نكون أكيد نفذنا فيه حكم الله صح ماهو خمسميه واحد بيقول أحكام فأحسن حل انى احنا نموت وعندكوا بقه الجثه اعملوا فيها الخمسميه حكم قطعوا صوابعه قطعوا ايده اعملوا بقه الىل انتو عايزينوا فيه طبعا ده تهريج أنتو بتهرجوا وانتو بتلعبوا بآيات الله وبتخوضوا فى غلط فى شريعه الله وطبعا اهو رمضان داخل ومش عارف انا هما يعرفوا منين انى الشهر ده هو شهر رمضان مايمكن ياعم شهر تانى ايش عرفك انه شهر رمضان انتو ناس هتحاسب حساب عسير على اللى بتعملوه ده وعلى كل حال كل كلامكم مردود عليه وكل كلامكم فيه أقوال وانا بمشيئه الله هاخصص شهر رمضان المبارك للناس دى كل يوم كده بعد صلاة التراويح هانقعد مع بعضنا كده نكتب مقاله تبين حقيقه الناس دى والمقالات هنا وعلى الفيس بوك أن شاء الله هاديكم الرابط قريب وده مش تكبير من شانهم لأنى شانهم قليل أصلا دول أهل الشيطان ولكن رد على اللى بيقوله عشان الناس ضعاف الايمان ماتتأسرش بالناس دى عشان بس كل واحد يفهم راسه من رجليه وعزة جلال الله بمشيئة الرحمان سيكون شهر رمضان شهر أذكر فيه فضايحكم على جميع المواقع فى خلال تلاتين سلسله فى تلاتين يوم انا يا جماعه واخد أجازة فى شهر رمضان وخصصتها ووهبتها لله فى كشف الناس دى ووالله الذى لا اله الا هو أنا لا عايز شهرة ولا عايز حد يسمع عنى اصلا ولا هاسمح انى حد يسمع عنى انا عبد لله ببين بس وبوضح بلاوى الجماعه دى اللى هما أخطر من أخطر شئ على المسلمين وصحيح معلومه كده بقه فى النص يعنى حاجه كده خفيفه أغم بيها أهل الشيطان إنى السنه النبويه المطهرة يا أخوانا اتكتبت فى عهد النبي وكان النبي عايش وكان موجود وأمر بكتابتها مش فى عهد البخارى زى مابيقولوا فى كتب كتير قبل البخارى ومسلم وكانت فى عهد النبي موجوده الكتابات دى كلها واتكتبت فى مجلسه ومش عايز هجوم من الجماعه اهل الشيطان وسباب وانا عارف أنى ده اللى هايحصل بس من غير كلام كتير خلونا نثبت أيه صحه الكلام ده فى شهر رمضان ان شاء الله عشان الناس اللى بتالف دى ويقولوا انى البخارى ومسلم هما أول تدوين الحديث وهما ألفوا من عندهم أقولهم لا استنى يا حبيبى انت وهو السنه مدونه فى مجلس المصطفى وأمر بكتابتها مش زى مابيقولوا انى النبى أمر بعدم كتابتها كذب وافترى بيفتروه على النبي من غير سب ومن غير شتايم عشان انا دلوقت بكتب هنا لو فضلتوا تسبوا وتشتموا كل واحد يكشفكم والله لاعمل موقع مخصوص يفضحكم فأحسن تسموعونى كده بهدوء فى شهر رمضان هنا فى المنتدى وفى الفس بوك هاعملكم غرفه خاصه بيكم والله المستعان