!!!!ينصر دينك يا بطل ..قتلت ناس كتير

خاص بالايمان المسيحي شرحا وتفصيلا وتعريفا بالسيد المسيح والكتاب المقدس والكنيسة
المسيحية إلخ...

مراقب: ELIYA ALGHYOR

شارك بالموضوع
hanna_i
مشاركات: 20
اشترك: سبتمبر 1st, 2010, 8:36 am

يناير 13th, 2011, 3:29 pm

ينصر دينك يا بطل
قتلت ناس عُزًّل كتير

ستات، شيوخ وكمان عيال
ازحت عنا خطر كبير

دي ناس بتقول الله محبه
والمحبه دي شئ خطير
إقتل بطرس
وإقتل مينا
اللي إخواتهم
ماتوا في سيناء
واللي ولادهم
رقصوا فـي فرحك
واللي فـ ميّتم
بيعزّينا

إقتل ماري
وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً
خطوه عزيزه

وإقتل برضه
عمّك حنا
في اي خناقه
بيحوش عنّّا
غاوي يصّلح
بين الناس
ولا يمكن
يوّرد على جنّه
وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب

ولا اقولك...إضرب شبرا
والكيت كات وميدان الاوبرا
فجر واحده في كل مكان
خلّي جيرانهم يصبحوا عبر

لينا رب إسمه الكريم
ها يجي يوم تعرض عليه

تقف امامه و يسأل الشخص ده عملك إيه؟
بأي ذنب تقتله
وفين ومين وإزاي وليه؟

إبقى قول لي يا بطل
ها ترد يومها..
وتقول إيه؟.

احمد فؤاد نجم

شارك بالموضوع
  • معلومات
  • الموجودون الآن

    الاعضاء المتصفحين: لا مشتركين و 1 زائر