إلى أى مدى نثق فى الله؟؟

[jesee]

أشعر فى هذه الأيام بحالة غريبة يسودها التوتر والاضطراب والضيق والحزن فى نفوس البشر جميعاً لدرجة انك تستطيع أن ترى ذلك فى عيونهم دون أن تتكلم معهم .. وده لأن الدنيا اللى إحنا عايشين فيها دنيا صعبة والأيام اللى بنعيشها أصعب .. كل يوم بنسمع عن حروب وأوبئة ومجاعات وفى كل ساعة بنسمع أخبار توجع القلب السليم عن حوادث وأمراض عمرنا ما سمعنا عنها قبل كده تصيبنا بالخوف والقلق .. ولو اتكلمنا عن المشكلات الاقتصادية بكل ما فيها من أزمة الاسكان وارتفاع الاسعار وقلة الدخل المادى وما ينتج عنه من مصائب كالسرقة والادمان والزواج العرفى .....إلخ وحاجات تانية كتيرة يعوزنا أياماً بل وشهوراً لنتكلم عنها .. ربنا يرحم ..
من الطبيعى جداً فى وسط كل الظروف دى إننا نتعب ونكتئب ونشعر بالضيق والفشل ..
لكن أنا عايزة أشارككم بحاجة وهى أن المشكلة مش فى الظروف لكن المشكلة فينا إحنا لاننا مش قادرين نثق فى ربنا ودايماً خايفين ومنزعجين لكن لو فى مرة جربنا إننا نطرح همومنا واحتياجاتنا ومشاكلنا بين إيديه أكيد هانختبر معنى السلام والفرح وأكيد هانشوف حاجات كتيرة فى حياتنا بتختلف وندرك إننا غاليين على قلبه ومحفوظين جداً جداً مهما كانت الظروف والأحداث ..
حاول إنك تضع ثقتك فى ربنا وشجع نفسك فى كل يوم إن الله إاللى خلقك مش ممكن ينساك ده كمان مخطط لوجودك على الأرض من قبل ما تخرج من بطن أمك ورسم ليك خطة عظيمة وجعل لحياتك معنى فقط ثق فيه واطرح عنك كل خوف وقلق لأنه يستطيع ويريد أن يمنحك سلامه فقط اطلبه من قلبك ..

[emad_fk1979]

يارب انا فعلان بسلامك قلبى وفكرا وعمرى عن قدميك علشان تعمل فيه يارب انا بتوب عن كل خطيه انا وقعت فيه ويارب لزم اعمل كده اجى واسلامك كل حاجه فيه شكرا يارب انك سمعت واستحبت
امين

[f.a.d]

حتى تثق في الله يجب أن تكون قريباً منه والتقرب من الله يكون بالصلاة
وأنصحك بتكرار هذه الصلاة : أريد أن اعيش لك ومن أجلك بالكامل و أريد أن أكون خليقة جديدة أتغير بمحبتك التي أظهرتها لي يا الله ، أنا أعلم أنني فعلت الكثير من الأشياء الخاطئة لكنني أعلم أنك يا رب خلصتنا برحمتك وليس بسبب أعمالنا ".
واعلمي أختي بأنه كلما كان المرء قريباً من الله كلما ازداد إيماناً وشعوراً بالطمأنينة لأن مشيئة الرب ستحقق